Mobile Handset tihbo chungchanga lawmthu sawina

       6.12.2010: Tukin dar 8 vel khan College Veng leh ITI inkar velah ka mobile handset Olive chu Scooty ka khalh laiin ka titla a. Ka handset ka tibo tih ka hriat chhuah rual rualin ka dial nghal a.Tichuan mipakhatin a lo pickup a,a hming leh a chhar dan te min hrilh a,ka thil tihbo chu ka hmu let leh hlauh mai. Ka lawm takzet a ni. Ka mobile tihbo min chhar sak tu hi Chawngthansanga,ITI Veng ami ani a. A chungah ka lawm takzet a ni.
       Kum 2008 daih tawh khan Bangalore-a ka awm laiin ka mobile hi auto rickshaw a ka chuan na ah ka ti bo tawh a. Kan chhuksan hnuin ka mobile tihbo thu hi ka hre chhuak chauh mai a. Tichuan ka number chu ka han dial ngat ngat a,tuman an pickup thei lo. A hnu deuh lawkah chuan a in switch off nghe nghe. Tihngaihna dawng awm tawh hek lo,ka mobile chu a bo hlen ta a ni.
      Tun tuma ka tihbo nen hian ka han khaikhin chhin a, a in anglo haih haih khawp mai. Ka tihbona hmasa zawk hi vairam ani a,tunah hi chuan kan Aizawl khawpui,Mizoram khawpui,Mizote chhenna hmunah a ni. Tichuan kan Mizote zingah chuan him takin ka handset tihbo chu ka hmu let leh thei a,vai rama ka tihbo thung erawh chu a bo hlen ta a ni. Mizote kan nih avanga hetia sawi uang hi ka ni lo. A chhan chu ka thil tihbo chungchangah hian thil chi tam tak min ngaihtuah tir a. Mizoten rinawmna kan la neih tam zia hi ka sawi chhuak duh a ni.Vai ramah hian ka lo khawsa ve zauh zauh tawh a,kan mizo hnam te nen hian kan inan lohna lai chu rinawmna kan neih leh neih loh chungchangah hian ni ta berin ka hre thin.
     A tlangpui thuin vai ho chu an rinawm lo tlangpui thin. Sum chungchangah ngat phei chuan sawi tur a tam mai. Mahse ka sawi vek seng lo ang. Mizote hian tun ang hunah pawh hetiang ang rinawmna hlu tak kan la vawng nung thei hi i chhawm nung zel ang u tih hi ka sawi nawn leh duh a ni.