LADC INTHLAN RESULT

LADC inthlanah Congress sawrkar!

November 22nd, 2010 3:04 pm by ZOaTlau

Source Evening Post, 22 November: Lai Autonomous District Council inthlanna, MDC seat 25 awmnaah vawiin chhun dar 12:00 thlenga seat 17 result puan tawhah Indian National Congress chuan seat 15 la tawhin seat 8 la chhiar loh awm mahse sawrkarna siam turin hnehna an chang chiang tawh a ni.

Lawngtlai atanga thudawn danin tling langsar zingah chief exectuive member ni lai C. Ngunlianchunga, Lai District Congress Committee president F. Rohnuna, ex-MLA H. Vanlalthaliana te pawh an tel a. Mizoram Journalist Association Lawngtlai district member T. Zakunga (KT Vision) leh C. Lalsawmzuala (joint editor, Phawngpui Express) te pawh an tel. Tling lo langsar zingah LADC executive member i/c Primary Education VL Hmuaka, Lawngtlai Vengpui-a INC ticket-a ding leh, Lawngtlai Chanmari-a ding Samuel Chinzah, EM i/c LAD te pawh an tel a.
Independent candidate an hneh lo ve ve a ni.

LADC inthlan, seat 25 awmah hian Indian National Congress-in seat awm zawng zawng an chuh a, MNF-in seat 7, Lai People’s Party-in seat khat an chuh a. Independent-a ding 53 an awm bawk. Hmun 18-a MNF-in seat an chuh lohna bialah Independent Steering Committee an pui a. Independent-a tling zinga mi C. Lalsawmzuala hi INC ticket chan loh vanga independent-a ding ta niin thudawn a ni.

He inthlanna neih zawh takah hian vote tla zawng zawng chu za zelah 86.25 a ni a, polling station 97 awma 95-ah te Nov. 18 khan vote hi thlak a ni a, EVM that loh avanga hemi nia vote thlak ve theihlohna polling station pahnih Chawngte ‘P’ biala Hmunlai polling station leh Sakeilui biala Jognasuri polling station-ah te Nov.20 khan vote thlak leh niin, zaa 88 ve ve vote a tla a ni.

Dar 12.00 thlenga result puana tling te:
Sangau East – F. Rohnuna (INC)
Sangau West – ST Laldailova (INC)
Sangau West – Lalchuangliana (INC)
Cheural – L. Lawmkima (INC)

Lungtian – F. Hranglura (INC)
Lungpher – F. Rualirha (INC)
Vawmbuk – T. Zakunga (INC)
Bualpui West – BT Lalchunglura (INC)
Bualpui East – T. Lalbiakmuana (INC)

Lawngtlai Bazar – C. Ngunlianchunga (INC)
Lawngtlai Vengpui – VL Dawnga (Ind)
Lawngtlai Chanmari – C. Lalsawmzuala (Ind)
Lawngtlai Council – Lallura Chinzah (INC)

Lawngtlai College veng – Chhuanawma (INC)
Lawngtlai-III – Hmunhre (INC)
Lawngtlai AOC – H. Vanlalthaliana (INC)
Paithar – V. Zirsanga (INC)