Tunlaiin mobilephone changkang tak tak te, man to tak tak te hmang kan awm ta fur mai. Chu mai nilovin man tlawm zawk duh a la hmang ta zel te pawh kan awm. Mobilephone hmang tu tam zawk te hi chuan kan harsatna tawh thin hrang hrangte pumpelh theih dan kan ngaihtuah tawh vak thin lo. Harsatna kan tawhin “tunlai thil chhuakthar laktlak tawhlohzia hi” tiin hahipin mi tam zawk chuan kan sawi thin. Heng kan harsatna tawh thin hrang hrang te hi heng thu mawl te te hmang hian in enfiah nan hmang thei hram ang u.
1. Virus avang a harsatna: Mobilephone man sang deuh chin tan bluetooth leh USB (Universal Serial Bus) hmangte a hla leh video (data file) leh thildang kan in pek chhawn thinna atangte in Virus hi phone ah awlsam takin a lut thei. Tin, internet atang a thil download naah hian a lut thei bawk. Virus hian phone hnathawh dan chi hrang hrang a khawih buai theih avang in fimkhur hle a ngai a ni.
Solution: Virus laka phone a lo him zawk nan hetiang hian ti thei ila a tha.
Kan mobilephone a thil kan dahluh dawn reng rengin kan dahna tur phone emaw computer emaw khan virus a nei em tih fiah hmasak hram a tha. A lo wm palh a nih chuan phone ah khan awlsam takin a lut thei si a.
Tin, thil (Data / File) kan thawn chhuak emaw kan lalut emaw a nih reng rengin kan phone chu antivirus hmang a scan ngei ni se a tha. Amaherawhchu, hei hi hriat tel a tha, antivirus hmanga phone scan ngun lutuk hian phone performance a tibuai thei ve tlat bawk. Chuvangin virus vang a kan phone a buai mai loh nan antivirus hmang a scan chu a tha a, a tha ber erawh chu inven lawk ani (prevention is better than cure) e.
2. Vut leh bawlhhlawh themnawi lakah veng tha rawh:
Vut leh bawlhhlawh(dust particle) themnawi hi awlsam takin phone ah hian a kai/bet ve zung zung thei a. Heng mobilephone chei mawina tur atan a thil tarmawi/hmehbei chi hrang hrang te hian a chunga vut leh bawlhhlawh themnawi kan tih ang chi te hi a hip kai hma thei hle. Phone cover chiangkuanglo te hian bal a fawm hma hle bawk.
Solution: Kekawr ipte emaw kawr ipte emaw a ah hi a him viau. Mahse a safe ber chu a ni chuanglo. Tha ber pakhat chu phone cover tha tak,vaivut leh bawlhhlawh lut mai mai thei lo chi hmang a phone pai/ken thin hi a tha.
3. Thlauh leh tihtlak lakah fimkhur rawh:
Mi tam tak chuan ka phone hi a tha a nia, ka thlauh darh vek hnu pawn ka remkhawm a engmah chhia a awm chuanglo, te kan ti thin a, phone hi 4ft ai a sang atanga tih tlak emaw thlauh palh emaw hian a chhung ah effect a nei hma hle.
Solution: Phone tih tlak emaw thlauh palh thin avang a chhe thin lak a inven dan kawng pakhat chu phone cover tha deuh neih hi a ni. A tha ber erawh chu fimkhurna a ni tih hriat reng tur.
4. Tui lakah veng fimkhur rawh:
Tunah hian Samsung marine tih chauh lo chu tihhuh lak a him thei (water resistant phone) phone model dang siam chhuah ala awmlo. Samsung marine erawh hi chuan tui a hlau ve lo. Chuvangin Samsung marine nilo hmang tan chuan tui tih huh lakah hian fimkhur hle a ngai a ni.Tui a kan tih huh palh hian phone chhungah electrict inthlunzawmna te awlsam takin a ti sort(chhia) thei a, chu mai bakah thil dang eng emawah neuh neuh a thlen hma thin.
Solution: I phone kha tui ah ti tla lo hram rawh :
Tih huh palh theihna tur thil awmna hmun ah ken loh hram a tha. Kan keng a nih pawhin fimkhur takin ken tur. I phone chu I lo ti huh palh hlauh a nih chuan a battery kha la chhuak nghal la, a part phelh darh theih chi ho kha phelh darh nghal vek la, tichuan puanthem thianghlim hmangin a part hrang hrang te chu hru ro la, chumi hnu ah thli hmangin chhem ro leh la, tichuan darkar 4/5 emaw vel hma chu remkhawm leh rih suh.A ro chiang bal a ni tih I hriat hunah chauh vuahkhawm leh ang che. Hair dryer emaw blower emaw ang chi hmangin tiro suh, a hnu ah effect a awm duh.
5. Over charging (charge tam lutuk):
Hei hian a sawi tum chu phone kha charge zin lutuk lam nilo in, battery full hnu a charge rei lutuk lam a ni zawk. Hun eng emaw chen kha chu phone siamtu company te hian han charge a a full tawh hnu a amah a in off( charge) thei nghal mai tur chi software an siamchhuak lova amaherawhchu, tunlai a phone chhuak tam takah hi chuan baterry full hnu a amah a in off mai thei tur chi phone an siam chhuak ta. Mobile phone lam chu lo him ta phawt mah se a charger lam kha ngaihtuah zui ala ngai a ni. Charge kha a full hnu ah plug atangin phawi thuai tur a ni e.
Solution: Phone charge tam lutuk avang hian phone chhia hriat tur a tam hle. Chutih laiin phone charger lam pawh tih chhiat a tam khawp mai. Hengtiang laka kan fihlim theih nan phone kan charge reng rengin a full ve leh a charger kha plug atangin phawi vat thin tur a ni. Tin, charger inhmantawm hi loh theih loh a nih loh chuan chin loh hram a tha. A volt in ang chiah lo a nih phei chuan Current a pek luh dan a in ang thin lova, phone in a tuar hma thin a ni.
6. Phone tih hmelhem na tur (scratch) lakah fimkhur a tul bawk:
Phone rang neuh neuh leh hmelhmang tih hmelhem hi a mawilo mai nilovin phone in a tuar hma hle. Screen guard hman hi a tha khawp mai. Hei hian kawng tam takah a veng ve thei a ni.
7. Phone tih bo/ruk lakah fimkhur ang che: Rukru tam takin rem chang zawngin I phone kha ruk an tum reng tih hi theihnghilh miah suh. I awmna kha thingtlang a ni emaw khawpui a ni emaw phone ruk/ tihbo lakah a fihlim tak tak theih tawh loh, chuvangin fimkhur hle ang che.
Solution: I phone ilo tibo palh a nih chuan a rang thei ang berin police station hnai ber ah FIR thehlut ang che. I FIR thehluh avang khan I phone kha hmuhkir leh kher inring suh. Smartphone ang chi I hmang a nih chuan I phone a data I dahthat ho kha password hmang chauh a hawn theih turin dah la, tin, backup pawh dah tel thin ang che. Tin, I phone khan mobile tracker a neih chuan active ngei thin ang che. Heng smartphone ang chi nilo ho, tlema man tlawm deuh chi ah chuan IMEI endan awlsam ber chu *#06# tih hi dial la, serial number lo lang kha chhinchhiah thlap ang che. Tin, hemi number hi phone baterry hnuaiah, phone hnung lamah khan enturin a awm bawk. Chu chu phone information tihtawpna awlsamber pakhat a ni. Eng phone model pawh hmang la IMEI hi chu chhinchhiah thlap a fel ber mai e.
Heng a chung a tarlan bakah hian phone chungchang a harsatna chi hrang hrang tawh kan nei nual ang. A chung a kan tarlan takte hi kan harsatna pumpelhna tha ber ani chuanglo mai thei, a puitu atan erawh a that viau a rinawm e.
(Written By Zonuna Khiangte)
