INFIAMNA

History of football

November 23rd, 2010 1:23 pm by bawngpu

Football ang tak hi kum 3000 kalta khan Japan ramah khian an lo khel tawh thin a. China hovin ziaka an neihah chuan kum BC 50 naah khan  hetiang ang game hi Japan leh China hovin an lo khel thin tawh a ni. An confirm theihah chuan kum AD 611 naah khan Japan ram khawpui hlui Kyoto ah khan an lo khel toh a ni.

KUM HMASA LAM

Khawchhak lam atanga Europe a thlenthlak dan hi chiang taka hriat a ni lo, mahse kar lovah England ram chu a hmunpui ber a lo ni ta thuai a. A tir lamah phei chuan ram hruaitute lamin an thlawp lo, a chhan ni bera lang pawh a entute thawm a that thin em vang a ni awm e. King Edward (1307 – 1327) pawh khan a tlawp lo hle a, hetiang sahawkna nasa lutuk hi ramhuai hnathawh a nih ringin a lalram chhunga khelh a phal lo nghe nghe a ni.

King Edward-III pawh khan a khap leh bur a, a chhan lian takah chuan kawpuiah buiana tamtak a siam avang leh sipai hovin an hun tam zawk football en nan leh khelh nan an hmang tam lutuka, an hun tam tak an khawhrala a ngaih vang a ni.  King Henry-IV leh King Henry-VIII te pawh khan football hi an lo khap tawh a. Queen Elizabeth-I pawh khan karkhat chhung jail tan leh Kohhran dan pawna hnawhchhuah theihna hial dan  a lo kengkawh tawh bawk a ni.

Dan hrang hrang avangin football chu a lar hlei thei lova, kum 1681 khan England-ah official sanction a hmu ve ta a. An game hi a nawi nak nak hle ni tur a ni, a player te pawh ruh tliak a nih loh pawhin in hliamin an chhuak deuh ngei ngei a. Players tam zawng leh a khelmual zauh zawngah pawh bi tuk ala awm lem lo. Khaw in el deuh an in khelh phei chuan a in hnial buai nasa thin a ni awm e. Goal ban leh goal ban in hlat zawng hi 5 km (mel 3) vel a ni tlangpui a ni. ‘

Team ten players in zat neih leh a field zauh zawng hi meter 91 (yard 100) a ni tur a ni’ tih pawh hi kum 19801 ah chauh khan an hmang tan a ni. Hriat theih chinah chuan Eton college ten football dan ziakin an nei hmasa ber a, chu chu kum 1815 khan a ni. (Tuna dan an hman lai mek hi ‘Cambridge dan’ tih a ni bawk.)

Kum 1800 chawhma lamah kha chuan dan a la mumal lo em em a, hmun hrang hrangah a la in ang lo nuaih a, team khatah players 15 atranga 21 te an la awm. Kum 1870 atang khan players 11 hi standard ah pawm a ni.

FIFA

Footbal club hmasa ber chu Sheffield, England ah kum 1857 khan din a ni. The Football Association chu October ni 26, 1863 khan club 11 kalkhawm ten London-ah an lo din tawh a ni.

The Fédération Internationale de Football Association (FIFA) hi Union Française de Sports Athlétiques headquarter Paris ah May 21, 1904 ah khan din a ni ve leh a ni. (Association hi assoc. tih a lamtawi a ni a, a hnuah  “soccer” an ti ta a ni) .

SOCCER

Kum 1800 chho lai vel khan Oxford zirlai ten thu a tawp ‘er’ telha lamtawi an ching em em a. Entirnan:- Breafast te hi ‘brekkers’ an ti a, rugby rules te hi rugger. Zirlai pakhat Charles Wreford Brown-a chu rugger a khleh ve peih em tiin a thiante’n an zawt a, a ni chuan, ‘No soccer’ tiin a chhang a, A ni hi ‘Association Rules’ lamtawi hmasa ber a ni. Charles Wreford Brown hi a hun lamah chuan England International leh Football Association vice-president a ni nghe nghe a ni.

The Beautiful Game

Football hi khawvel infiamna a entu ngah ber leh kheltu tamna ber a ni a. Formula 1 hi TV-ah entu ngah ber a ni a, World Cup hi Olympics dawtah chuan khawvel puma entu ngah ber a ni.