Lirthei chuan man sang

Sorkarin lirthei chuan man tihsan a remti

Tun hnaia Home Minister R Lalzirliana hoa Council of Minister thukhawm chuan, khualzin phur lirthei chi hrang hrang chuan man tihdanglamna a pawm.

Cabinet-in a pawm tâk ang chuan maxi-cab chuan man, metal road-a km. 1-a Rs 1.40 ni thin chu Rs. 1.80-ah tisan a ni a, metal road loa Rs. 1.60 ni thin chu Rs. 2 a ni. Hetih lai hian, Mizoram Maxi Cab Owners' Association chuan an Special Assemby-ah, November 25 atang chuan metal road-ah km.1-ah Rs. 2 leh metal road loah Rs. 2.20-a tlan ni se, an ti thung.

Cabinet chuan, MST bus tlan man chu km. 1-ah Re. 0.75 atangin Re. 0.85 leh MST bus (Deluxe) chu km. 1-ah Re. 0.95 atangin Rs. 1 a tihpun an remti a; MST bus-a bungraw (luggage) phurh man, kg. 5-ah Re. 0.5 ni thin chu Re. 0.10 a tihpun an remti bawk.

Private bazar bus chu km. 1-ah Re. 0.90 atangin Re. 0.95-ah tihsan a ni a, night bus pawh km. 1-ah Rs. 1.20 atangin Rs. 1.25-ah tihsan a ni. Aizawl city bus rate erawh chu kum 2008 rate anga hman leh an remti a, Lunglei town bus rate pawh tihdanglam a ni.

Lirthei chuan man thar (km. 1-ah)
Lirthei                                  Rate hlui     Rate thar
Maxi-cab (Metalled)          Rs. 1.40      Rs. 1.80
Maxi-cab (un-metalled)     Rs. 1.60      Rs. 2
MST bus                             Re. 0.75      Re. 0.85
MST bus (Deluxe)             Re. 0.95      Rs. 1
Bazar bus                           Re. 0.90     Re. 0.95
Night bus                            Rs. 1.20     Rs. 1.25